یزاکا: بەپێی هەواڵێک کە به ده‌ستی یەکیەتیی زانایانی ئایینیی کوردستانی ئێران گەیشتووە، رێکەوتی ٢٩ی خاکەلێوەی ١٣٩١ی هەتاوی، مامۆستا مەلا "سەید مستەفا تیشی" ناسراو بە "واژی" کوڕی برایم، مامۆستا و کەسایەتیی ناسراو و خۆشەویستی ناوچەی شنۆ، لە تەمەنی ٧٤ ساڵیدا کۆچی دوایی کرد.
مەلا مستەفا کەسایەتییەکی نیشتمانپەروەر و خۆشەویستی خەڵک ناوچەی شنۆ بوو. تەرمی ناوبراو لە نێو ئاپۆرای گەرمی خەڵکی ئەو ناوچەیە و ئاشنایانیدا بە خاک سپێردرا.
یەکیەتیی زانایانی ئایینیی کوردستانی ئێران (یزکا) پرسە و سەرەخۆشیی خۆی ئاراستەی بنەماڵە و کەس و کاری مامۆستا مەلا مستەفا و خەڵکی شاری شنۆ و هەروەها یەکیەتیی زانایانی ئایینیی کوردستانی ئێران دەکات و خۆی بە شەریک و بەشداری خەمیان دەزانێت.
هیچ نظری موجود نیست:
ارسال یک نظر