مەسەلەی ژنو مافەکانی لە کۆمەڵگای کۆنـو نـوێدا یـەکـێک بوە لەو مەسەلەگرینگو بایخدارو لە هەمانکاتدا ئاڵـوزانەی کۆمەڵگای ئێمەو بـۆتـە بابەتی ڕۆژیش .ژن لە لایەنی ژمارەوە نیوەو بگرە بڕێکیش زیاتری کۆمەڵگای پێک هێناوە ، لەلایەنی سۆزو عاتیفەوە خاوەنی جوانترین هەستە. لەبواری پەروەردەو پێگەیاندنی منداڵەوە قورسترین ئەرکی وەئەستۆ گرتوەو بەباشی بەجێی هێناوە. بۆیە ئەرکی ویژدانیو ئەخلاقیو زانستی بیرمەندانە کە لێزانانە بیر لەو بابەتە بکەنەوەو وەک گرفتێکی کۆمەڵایەتی نەک چێنێک چاوی لێبکەن هەڵیسەنگێنن ڕێگا چارەی بۆ بدۆزنەوە. بیکەنە گرفتێکی هەمەلایەنەو پاساوێک بۆ ڕەوابون یان ناڕەوا بونی لایەک مەهێننەوە.کێشەیەکە دەگەڵ ئەو هەمو هەوڵەی بۆ چارە سەریەکەی دەدرێێ ، بە باوەڕی مـن تائێستاش ڕێـگا چارەیەکیئەقڵ پەسندیکە لـە بـەرژەوەنـدی ژیانی هەردولاو نـەزمی کـۆمەڵدابێی بـۆی نـەدۆزراوەتـەوە.نـەک نـەکـراوە بـەرەو چـاک کـردنـی هـەنـگـاو بـنێین بەڵکو بەداخەوە چونکە لەڕوی ئـوسولێکی زانستیو مەنتیقی هەنگاو مـان بۆنەناوە، گرژترو ئاڵۆزتر بوەو کەشو هەوایەکی ناسالمو دورە مەنتیقیشمان بۆخوڵقاندوەکە لە هێندێک بوارو حاڵەتدا گەیاندومانەتە پلەی حەیوانیو سەری بۆ لێدانوکوشتن کێشاوە،هێندێکیش کردویانەتە چەکێک شەڕی ئایینەکانی پێدەکەن . بۆیە هاتمە سەر ئەو بڕوایە بەقەدەر زانینو توانینی خۆم ئەو بابەتە بخەمە بەر باسو ئەوەندەی بـۆشمبکرێی هۆکارو ئەو شتانەی دەبنە باعیسی پێشیلکردنی مافەکانو تـێکدانی ئەوپێوەندیە پیرۆزەی ژنـو مـێـردو تاسنوری هەڵوەشاندنی دەبەن بـدۆزمـەوەوشیکەمەوە.بۆ ئەو مەبەستە بە پێویستم زانی لە پێشدا بە کورتی جێگەو پێگەیژن لە ڕوانەگەی قورعانەوە بخمە بەرباسو نیشانی بدەم کە قورعان چـۆنی چاوی لە ژنـو پـیاو کردوە ، چ مافێکی پێداون.
باسەکەم بۆیە ئایینیە چونکە زۆربەی خەڵکی کورد موسوڵماننو باوەڕی ئیسلامیان هەیە. دیارە ئایینی تریش هەنو ئەوانیش یاساو ڕاسای خۆیانهەیە. بۆیەش ئیسلام چـونـکە زۆرینەی پێشێلکاریەکانی مافی ژن بە ناڕەوا دەخرێنە ئەستۆی ئەو دینە و هەمو شانەکان لە سەری ئەودا دەشێکێنن! بەدڵنایەوە دەڵێم: ئاساییە ئایینو ئیدەو کەسو کەسانی واهەبن کە هەشنبڕوایان بە ئیسلام نەبێی، بەڵام دەبێی ئەوڕاستیەش بسەلمێنن کە ئەو دینەش وەک هەمو ئیدەو ئایینەکانیتر یاساو قانونو پەیڕەوو لایەنگرانی خۆی هەیە . گومانم لەوەدانیە باسەکەم بەدڵی هەمو خوێنەران نابێیو دەبێی نەشبێی، توانای زانستی منیش ئەوە نیە هەموو کەلێنو کەلەبەرەکان پڕ کاتەوە و ڕاستو ناڕاستەکان بەتەواوی بـدۆزێـتـەوەو لێکیان هاوێر بکا ، بەڵام هەوڵم داوە بەقەدەر ئەو کەمە زانینەی خـۆم لە روانگەی قورعانەوە مـەسەلـەکە بـخەمـە بـەربـاس. بەلای خۆمەوە کارێکی گرینگو بایخدارە، هێوادارم واشبێی ، بـۆ ئـەوەی کەسایەتی ژنـو مـافـەکـانی لە ڕەوانگەی ئیسلامەوە بخەمەبەرچاوانو ئەوەش ڕوون بکەمەوە کە هەمو ئەو ڕەخنانەی لە ئیسلام دەگیرێن لە خراپی دەستورو یاساکانی دێنەکەوە نیە، بەڵکو لە خراپ تێگەیشتنو لێکدانەوەو هەڵسەنگاندنو عەمەلکردی موسوڵمانانە . ئەوەی من دەیڵێم روانگەیەکی ئایینیەو تایبەت بە ئیسلامە ، بێگومان ئەوەی بڕوای بەو دینە نیە ،زۆر ئاساییە نەک ڕەخنە ، بەڵکو بەتـەواویش ڕەدی بکاتەوە. ئەوەی بە نارەواو نەزانانەی دەزانم بێحورمەتی بەهەر ئایینو ئیدەیەکەو جنێو پێدانیانە!! لە حاڵێکدا کە بڕوایان پێیی نیە من چاوەروانی ئەوەیان لێناکەم پێی هەڵا بڵێن! بەڵکو دادو هاوارم لە چەنگ خۆمان واتە موسوڵمانەکانە !بۆوێنەخوانەفرینیلە درۆزن کردوە ، ئێمەی موسوڵمان دەیکەینو خەڵکیتریشدەڵێن ئیسلام خراپە ! دزیو دەستبڕێی دەکەین کە قورعان دەژیانە ، کە چی دەکوترێی ئیسلام مۆڵگەی دزو دەسبڕانە !خراپ بەکار هێنانی دەستوراتەکانی ئیسلام دەبێی بخرێتە ئەستۆی بکەرەکان نەکقانونو یاساکە. ئەوە مرۆیەکیموسوڵمانە کارێکی نەشیاوی ئەنجام داوە کە بەلای دینەکەشیەوەخراپە ، نەک لە خراپی دینەکەوەیە. لـە زیاتر لە (١٥) ئایەتی قـورعاندا خـوا بـە وشـە ی (یاأیهاألناس) بانگ لەمرۆفەکان دەکا. لە (٧٩ ) ئایەتدا بـە (یـا أیهاألذین آمـنـو) بانگی ئیماندارەکان دەکا، بەبێی ئەوەی هـیـچ جـیاوازیـەکی تەنانـەت بـەهێنانی ناویش لەنێوان ژنـو پـیـاو دا خستبێی. لـە ئـاخـری سـەدەی (٦ ) ی زایینیدا لە تاریکستانی جەهـلـو نەخوێندەواریـدا لـە شەوەزەنگی عـەشیرەو تایەفەگەریودەمارگرژیدا ، کە نیشانەیەک لە زانستو تێگەیشتنو پێشکەوتویی بەدی نەدەکرا ، لە دوڕگەی عەڕەبستان، لەسەر ئەو زەویە قاقڕو سوتاوە بانگەوازێک بە (محەممەد) ئەسپێردراو بڵاو کراوە بەناوی ئیسلام کە لەودا ڕادەی مافو پلەی کەسایەتی ژن زۆر بەجوانی دیاریکراوە.مافە زەوت کراوەکانی بـۆ گێڕدراوە، ئەو غەدرەی بەدرێژایی مێژو ی ژیانیان لێیان کرابو لە سەریان لا بردراو قەرەبوکراوە. ئەو ژنەی کە مافێکی مرۆڤانەی نەبوو وەک ئامرازێک بۆ پیاو بەکار دەهێندرا ، خوا ڕایگەیاند (ئەی مرۆڤەکان ئێوە لە نێرو مێیەک چێکراون ) لە یەکەمین قوناغی ژیاندا کە دروستبونە ژنو پیاو لە ئەسڵدا لە خاکو دوایەش لە یەک دایکو باوک خوڵقاون. گومانی تێدانیە مافی وەک یەکیشیان هەیە . ژن دایکە چۆن دەکرێی تۆ کەسێک لە خۆت بەکەمتر چاو لێبکەیو بەخـراپی بزانی کە نۆمانگونـۆ ڕۆژ لە زگیئەودا ژیاوێـو بە بەشە خواردنەکەی ئەومــاوی. پاش هاتنە دنیات بەخێوی کردویو شەوو شەو نخونی لەسەر کێشاوی!بەکورتیکام عەقڵ ومەتیق ئەوەی قبوڵ دەکا بەشێکی گرینگی کۆمەڵگا کەبەشەکەی تریش لەو کەوتۆتەوە ! هەمو شتێک بـۆ پیاوەو بـەشە ژنـەکە هـیـچێ پێنەبڕاوەو دەبێی وەک قەرەواشو خزمەتکار حیسابی بـۆ بکرێی ؟! کامدینوئایینە کە نایەوێی ئەو جێگە بەرزەو ئەو دەورە بایخدارەی ژن وەبەر چاوبگرێیو وابزانێ ئەوە ئامرازێکە بـۆ فیتنە گێڕانـو چـاوچنۆکانـو هـەوەسبازان چیکراوە! چۆن دەکرێی ئەو خوایەی کە خۆشەویستیو ڕێزگرتنی دایکو بابیلە دوای خواو پێغەمبەر هێناوە، بیانکاتە کەرەسەی خۆش ڕابوێری بەشەکەیتروهەمو مافێکی ژیانو کەسایەتیان بخاتە دەستی ئەو بەشە ؟ نانا هەرگیز وانیەوهەر کەسیش وابزانێی هەڵەیەو لەئیسلام تێنەگەیشتوەو ئێستاش لە ژێرکارتێکەریئەو دابو نەریتە کۆنانەی سەردەمی نەزانیو عەشیرەتــیو خـان خانی کە دەبـو دینیش هەر لە خزمەتی ئەوان دابێی ماوەتەوەو چاوی هەق بینی کوێرەو ئەقڵی قبوڵ کردنی واقیعیەتەکانی قفڵ دراوە. ژن لە ڕوانگەی ئیسلامەوە لە هەموو بوارو هەڵسوکەوتی ژیانی ئەو سەر زەویەدا ، دەورو مافی خۆی هەیە بەقەدەر پیاویش و لەهێندێک بواردا بگرە زیاتریش . لێرەدا ئەگەر دەڵێم ماف مەبەستی من مافی مرۆڤانەیە ، ئەگینا مرۆاڤەکان وەک چۆن رەنگو زمانو نەژادیان وەک یەک نیە ، لە خوو خدەو تێگەیشتنو کارو پڕوسەی ژیان نە ژنو نە پیاو وەک یەک نین ، کەسایەتیو زانستو ئەرکو لێهاتوویی دیاریدەکا کێی لە کوێیە نەک ژن بون یان پیاو بون.
لێرەدا دێمە سەر ئەو بنەما بەهێزانەی کە ئیسلام بۆ ڕاست کردنەوەی ئەو لادانو هەڵدیرانە ، بۆ شوتنەوەی چڵکو چەپەری ئەو تاوانانە ، بۆ ڕێکخستنەوەی مرۆڤانەی ئەو پڕۆسەی ژیانە ، بۆ چارەسەری ئەو دیاردە دزێوو نەشێاوانە ، بۆ ڕزگاری ئەو نیوەی کۆمەڵە لەدەستی ئەو مافخۆرانە، بۆ نیشاندانی ئەویەکسانیەیکە لە مافی مرۆڤانە دا ژنو پیاو هەیانە ، ئیشارە بە چەند ئایەتێکی قورعانی دەکەین ، مەبەستیش لێورد بونەوەی ئەوانەی ئەهلی عیلمو زانستو لێکۆڵینەوەن بەبێی پێوەندیو دەمار گرژی بەهیچ ئیدەو ئایینێکەوەو بۆ ئەوانەش کەخۆیان بە پەیڕەوی ئیسلام دەزانن یان تێی نەگەیشتون یـان فـریـو دراونـو بەهەڵە براون ، چاوێک بە خۆیاندا بخشێننەوە ڕاستە ڕیگەیەک کە خوا بۆی کێشاون بدۆزنەوەو لە بەستراوەیی بەملاو ئەولا بتکنەوە. بابەتەکە لە چەند خاڵدا کورت دەکەمەوە . (١ ) ژن لە مرڤ بوندا وەک پیاوە بێکەمو زیادی خوا لە سوڕەی (نیساء: ١)دالە بارەی دروستبونو پارێز کـردنی مـرۆڤەکاندەڵێی؛ { ئەیمرۆڤ ئێوە لەیەک شت دروستکراون ،هەر لەخوا بترسن.}بەپێی ئەو ئایەتە هەردوکیانلە یەکمادەکە خاکە دروست کراونو دەبێیلە یەک هێزیش بترسن کەخوایە.نەکوتراوەژنەکانیان پیاوەکان ! پێغەمبەریش کوتویە: ژنو پیاو دوو لەتی یەک شتن. ماکەی هەردوکیان یەکە(٢ ) بە پێیدابو نەریتو خوو خدەی سەردەمی نەزانیپیاو کە زۆردار بـو مافی بێزۆریبەتایبەت ژنی پێشێل دەکرد ،ئیسلام ئەو زنجیری زوڵمو زۆرداریەی پساندوبەیەک چاولە هەردوکیانیروانیو لەخەتاوهەڵەکانیاندا وەک یەک سەزای بۆ دیاری دەکردن . بڕوانە لە مەسەلەی فـریـوخواردنیانـو دەرکرانیان لەبەهەشت ، نەهاتوە هـەر (حـەوا) تاوانـبـار بـکاو لە (ئادەم ) نەپرسێتەوە. سوڕەی(بەقەڕە : ٣٦ ) { شەیتان هەڵیخەڵەتاندنو بەهەڵەیبردنو لە بەهەشت دەری پەڕاندن.} لەوڕوداوەدا هەردوکیانپێکەوە تاوانبارن.کە چی لە دنیای ئیسلامی ئەوڕۆدا کە دەسەڵاتی زاڵمبەڕێوەیدەبا بەتایبەتی لە کۆماری ئیسلامی ئێراندا لەسەر گومانیزیـناح کە ژنـو پیاـوەکە تێیدا شەریکن ، بە پێچەوانەی دەقی قورعانی هەر ژنە دەخرێتە ژێر برسیارو هەر ئەویشە لەسەر ئەو کارە سەزا دەدرێی ! لـەحاڵـێکدا خـوادەڵـێی: ژنـو پـیـاوی زیناحکار دەبێیداری حەدیان لێدەدرێی ، نەک ژنبتەنێ! لەکاتێکدا کە هەڵەکەیان کردوە هەر ژنەکە نیە کە دەبێی داوای لێبوردن لە خوا بکا ، بەڵکوهەردوکیانن کە بەجوت دان بەتاوانەکەیان دادێننو داوای لـێـبـوردن دەکەن . سوڕەی (ئەعڕاف : ٢٣ ) { کوتیان خوایە ناهەقیمانلەخۆمانکردوە ، ئەگەر وەبەر بەزەیی خۆتمان نەخەیو لێمان خۆش نەبی ، بێگومانڕەنج بەخەسارین} لە هێندێک ئایەتدا خوا بەتەنی ئادەم سەرکۆنە دەکاو دەفەرموێی: سوڕەی (تاها:١٢١) { ئادەم لەفەرمانی پەروەرندەیلایداو لە ڕێی دەرچوو.}لەو بوارەدا ئایەت زۆرن کە پێویست ناکا بیان هێنمەوە.(٣)لـە بـواری عیبادەتوخوا پەرستیو چاکەو خراپەو چونە بەهەشتدا هەرکام لە ژنو پیاو لە کردەوەی خۆیان بەر پرسیارنـو حیسابی کەس لە کەسێکیتر ناکرێی .سوڕەی ( نەحل: ٩٧ ) {هەر کەس ئاکار چاکە چ ژن بێیو چ پیاو تا دەژی وادەکەین بەخۆشی بژیو لەوە باشتر کە کردویانە پاداشتیان دەدەینەوە.} ئەوەنیە ناڵێی هەر چی چاكە بۆپیاوەکەوهەرچیش خراپە دەبێی بە ژنەکە ببڕێی! لێرەشدا جیاوازی بە هیچ شێوەیەک لە نیوان ئەو دوو مرۆڤەدا لە دانەوەی پاداشتی کردەوەکان دا نەنراوە هەر کەس لە کردەوەی خۆی بەر پرسیارەو خێروشەڕی کردەوەکانیشی هەر بەخۆیدەبڕێێ. کوتمان : ئادەمـو حـەوا خەتایانکردو سەزا دران بە یەکەوە ، چۆنکە تاوانەکەیان یەک شت بـو . کوتیشمان داوای لێبوردنیان لە خوا کرد ، دەبا بزانین دەزگای لێبوردەیی خوا چۆن قەزاوەت لەو بارەدا دەکا.؟هەردوکیان لە کردەوەی خۆیان پەشیمانیان دەر بڕیو لەخوا پاڕانەوەو داوای لێبوردنیان کرد، خواش داواکەی قـبـوڵکردن. سوڕەی ( ئالی عیمڕان: ١٩٥) { خوابە دەنگیانەوە هاتو کوتی : من کردەوەی کەس لە چاکو خراپ زایە ناکەم ،بە بێی پاداشت یان سەزایان نا هێڵمەوە} لەڕاستیدا ئایینی ئیسلام وەک هەمو ئایینو ئیدەی ئەم جیهانە بەکۆنونوێیەوەپەیڕەوو لایەنـگری خـۆی هەیە وئیمانیانپێییە تی ،لە هیچسەردەموزەمانێکی دانەبوەو ناشبێی مرۆڤەکان یەک باوەریانهەبێیـو یەک جۆر بیر بکەنەوە . خـوای مـەزنیش ئـەوەینـەوێستوە. نـەپێغەمبەرونـە هـیچکام لە هاواڵانیشی ئیدعایەکی لەو بابەتەیاننەبوە ،تەنانەتلە زمانی پەیامبەرەوەدەگێڕنەوە کە فەرمویە ( ئیختیلافی ئۆمەت ڕەحمەتە)ئیختیلاف بەمانای بیروڕای جیاواز نەک شەڕو ناکۆکی . وەک پێشتریشکتومە ئەوە ویستوحەزی مرۆڤەکانەبە مـوسوڵمانـوغەیرە موسوڵمانیەوەکەڵکی خراپ لەو جیاوازیانە وەردەگرن بەدژی یەکتری کاری پێدەکەن.(٤) :فەرقو جیاوازی دانان لەنێوان کچو کوڕ دا، لە لایەنەندایکو باوکوبگرەکۆمەڵگاش،ئەوە دابو نەریتی باو بوو بەسەر خەڵکی دا سەپاندبو ، کاتێکئیسلام هاتـودەیەویستئەو جیاوازیە لە ناو بەریێ دابو دەسەڵاتی زاڵ هێنای جلو بەرگیئایینی کردەبەرو بە سەر کۆمەڵگایدا سەپاند ، واتە ئەوە فـری بـەئیسلامـەوە نیە و بەناڕەوابەسەریاندا بـڕیوە . ئەوەتا بـەڕاشکاویخـوای مەزن لە سوڕەی ( نەحل : ٥٨) دا دەڵێێ: { کاتێک مزگێنیاندەدانێی کە کچیان بـوە ، ڕەش هـەڵدەگەڕانـو پـیشیاندەخـواردەوە!} لـە سـوڕەی ( تـەکـویـر : ٩ ) دا هـاتـوە { بـەکـام گـونـاح ئـەو کچە کوژراوە ؟! } لەسوڕەی( ئەنعام : ١٤٠)دا هاتوە{ ئەوانەی لە بـەر گەوجێو نەزانی منداڵی خۆیان دەکوشت تاوانبارنو بۆختانیان بەخوا کردوە . خوا بژیویئەوان دەدا.} (٥) : خوا فەرمانی ڕێز گرتنی ژنیداوە وەك : دایک ، وەک هاوسەر ، وەک کچ ، وەک خوشک ،وەک نەنکو پورو تادوایی . بەکورتی لەو بوارەدا ئایەت زۆرنـو لـێـرەدا جێیان نابێتەوە.ئەوەیمن لەو باسە وەک ئاکام دەیدەمە بەر چاوی خوێنە ران ئەوەیە لەوبنەمایانەو زۆریتریش ئەوە دەزاندرێی کە ئیسلامجێگەو پێگەی شیاویبـۆ ژن داناوەولە (٣) بواری سەرکیدا . (١) ـــ بـواری ئـیسانی : دانـی بـەوە داهێناوەلە مرۆڤایەتیدا دەگەڵ پیاو بەرانبەرەو جێگەی هیچ گومانێکی تێدا نیە. (٢) ــ لەبواری کۆمەڵایەتیدا : کاتێک باڵغو ئاقڵو ئازاد بـوو مافی بەڕێوە بردنی هەرئەرکو کارێکێ کە تێیدا شارەزا بێو تـوانـای هـەبێی، هەیە. هەر لەتەمەنیمناڵیەوە دەبێی بخوێنێ تا بەهۆی ئەو خوێندەواریە جێگەو پێگەوکەڕامەتو کەسایەتی خۆی بدۆزێتەوەو وەدەستی بێنێ .ئەرکی دابینکردنی قوناغەکانی ژیانیشی لە ئەستۆوی باوکیەتی هەتا تێدەگاو پێدەگا.(٣)ـــ لە بواری حقوقیدا :لە دوای باڵغ بونی مافو کەسایەتی تەواوی هەیە لە سەرجەم کارو بارەکانیدا و هیچکەس نەدایکو بابو ، نە کەسوکارو نەمێرد بۆیان نیە بەزۆر چێان دەوێی ئەوەی پێبکەن ، ئەوە خۆیەتی هەڵدەبژێرێی. لەیەک دوو بوارداوەک میراتو شایەدیدان دەگەڵ پیاو کە فەرقی دانراوە ،لەبەر ئەوەنیە ژن لە پیاو کەمترە،بەڵکو لە بەر مەسڵەحەتێکە کە ئیسلام بـۆوی وەبەر چاو گرتـوە . ئەوەش بابەتێکی تایبەتە هیوادارم بتوانم بەوردی لەوتاڕێکیتردا بیخەمە بەر چاویخوێنەران . لە کورتە وتەیەکدا : ئیسلام بە ڕاشکاوی دان بە مرۆڤ بونی ژن دادێنێو بەشیاوی خاوەنداریەتی هەموو مافێکی ئینسانی دەزانێی، ڕێز بۆ کەسایەتیو کەڕامەتی دا دەنێو لە هێچ بارێکەوە لە ڕاستای مرۆڤانە دا لە پیاوی بەکەمتر نازانێی ، هەر بڕیارو فەرمانێکی سەبارەت بە ژن درابێی تەنیا لە بەرژەوەندی ژن دابوەو. دیارە لە ڕوانگەی ئەوانەیبڕوایانبە ئیسلام نیە زۆر ئاساییە وا بیر بکەنەوە لە ئیسلام دا ژن مافی خوراوە! چونکە بڕوایان بەسەرجەم دینەکە نیە نەک هەر ئەوبەشەی ! هـیـوادارم لەو سەردەمە داکە زانست لوتکەی بەرزی خۆی بڕیوە ، زانیستیانەو لە ڕاستای بەرژەوەندی گشتی مرۆڤدا ، ئاکارو کردارو ڕاو بۆ چونەکانمان بخەینە ڕوو.مـن دڵنیامـو ئـێـوەش دڵـنـیـادەکـەم کۆمەڵگای مرۆڤایەتی هەتا نەگاتە ئەو حاندە کە بیرو هـزری خۆی بـۆ بەرژەوەندیمرۆڤ بە گشتیو زێدو هاووڵاتی بەتایبەتی وەکار نەخا، تا ئەو ڕۆژەبایخیمرۆڤوەپێش بایخی پلەو پایەو پوڵو پارە نەکەوێی، تا ئەوڕۆژە ئامانج چ ئایینیوچ غەیرە ئایینی بەختەوەری مرۆڤ نەبێی ئەو شەڕو ململانە ، ئەو هەمو خەتاو جینایەتو تاوانانە ، هەر زیاد دەکنو کەمیش نابنەوەو کەسیش وە ئەستۆی ناگرێی .خەتاکەشی وەک : (کەڵاشی ئاشەوانی هەر کەس لە سەر زگی خۆی لادەباو لەسەرزگی ئەویتری دادەنێی) بەهیوای ئازادیو کوردستانێکی سەبەر بەخۆ. درێژەی دەبێی.
براتان مەلا برایمی مەجیدپور هولەند
هیچ نظری موجود نیست:
ارسال یک نظر