بەنێوی خوای گەورە و دلۆڤان
هاونیشتمانانی بەڕێز و کورد و کوردستانییانی خۆشەویست، بەبۆنەی بەبۆنەی ساڵـڤەگەڕی کۆماری کوردستان پیرۆزبایی خۆمان ئاراستەیی سەرجەم گەلی کورد و بەتایبەت میراتگرانی و رێڕەوانی رێگەی راستەقینەی کۆمار واتە حیزبی دێمۆکراتی کوردستانی ئێران دەکەین و لە خوای مەزن هیواخوازین کەلە پێناو گەیشتن بە هەموو مافێکی خۆڕسک و سروشتیمان هەتا وەدیهاتنی سەرجەم ئاواتەکانی کۆمار سڵ نەکەینەوە و بۆ مسۆگەریی دادپەروەری و یەکسانی لێبڕاوانە هەوڵ بدەین و تێبکۆشین.
گەر روانینیکی راستەقینە و بە دوور لە درمارگرژیمان سەبارەت بەو کۆمارە ساوایە هەبێت و شرۆڤەی زانستییانەی ئەم بابەتە بکەین، ئەم راستییە روون دەبێتەوە کە کۆماری کوردستان نەک هەر جێی خۆی بەرحەقە، بەڵکوو دەگاتە رادەی واجب بوونیش، بەتایبەت لەسەر دەستی کەسایەتییەکی لە یەک کاتدا تەواو عەیار ئایینی و بە تەواو مانا نەتەوەیی و میللیی وەکوو پێشەوا قازی محەممەد و هاوڕێیانی، چونکە ئایینی راستەقینەمان فیر دەکات کە داکۆکی لە مافی چەوساوان و هەژاران کە ئەرکی سەرەکیی هەر تاکێکمانە و خۆ دەدزینەوە و بە تەنگەوە نەهاتن بەڵگەی هەرە لاوازی ئاینییە هەروەک لەم بەستێنەشدا خوا دەفەرمی، کەسی بڕوامەند کەسێکە کە بێ لەبەر چاو گرتنی بەرژەوەندیی خۆیی و تەنانەت نانەوەی سەریش لە بەرابەر ناعەداڵەتیی دەسەڵاتی نادادپەروەردا هەڵوێست دەگرێت و دەبێتە نمادی راستەقینەی فەرمایشی پێغەمبەریشمان کە دەفەرموێ، گەورەترین جیهاد ئەوەیە کەلە بەرابەر سوڵتانی زاڵمدا مەتەرێز بگرن.
هەر ئەم بەڵگە ئایینییانەش وایان کردووە ئێمە وەکوو یزاکا رێبەرمان پێشەوا قازی محەممەد وەکوو سەرقافڵەی شەهیدانی دۆزی رەوای گەلەکەمان ئەژمار بکەین و رێزی لێ بگرین.
ئێمە لە کاتێکدا رێز لەم رۆژە دەگرین کە دوای تێپەڕینی حەوت دەیە لەو کاتە، نەک هەر رۆژ بە رۆژ چەوسانەوە و نەحەسانەوەمان لە پەرەسەندندا بووە و حاکمانی وڵات سەرەڕۆ و دیکتاتۆرتر بوونە و ئەوەی جێگای داخە ئەمڕۆ لەژێر سایەی حکوومەتێک دەچەوسێینەوە کەبە ناوی ئیسلام و ئایینیی خوا و دەرفەت وەرگرتن لە یاسای ئاسمانی، هەر جۆرێک حەز بکەن بەبێ سڵ کردنەوە هەوڵی قەڵاچۆ و نکۆڵیمان دەدەن کە بە رۆژانە شاهیدی تاوان و جینایەت کەچی بەداخەوە پیاوانی ئایینیشمان کەمتر دەنگیان لێوە دێت، یان باشترە بڵێین هەموو دەنگێک هەر لە نوتفەدا خەفە دەکرێت. کەسانی ئایینیمان پێویستە زۆیان بەرپرسیاری گەلەکەیان بزانن هەر وەکوو زانیویانە و بۆ لەقاو دانی ئایینی دوور لە راستیی کۆماری ئیسلامیی ئێران تێبکۆشن.
بەرز و پیرۆز بێت ٢ی رێبەندان
سەرکەوێ بزووتنەوەی رەوای گەلەکەمان
و سلام علیکم و رحمة اللة و برکاتة
هیچ نظری موجود نیست:
ارسال یک نظر