یزاکا: لە دانیشتنێکی مەولانا عەبدولحەمید مەولەوی، پێش‌نوێژی هەینیی مەزهەبی سوننە لە شاری زاهیدان لەگەڵ خوێندکاراندا، رەخنەی توندی لە رێژیمی ئێران گرت و گوتی: دیکاتۆری و سەرەڕۆیی لە دونیا دا بەقای نییە و ئێمە بە توندی مەحکوومی دەکەین.
بەگوێرەی راپۆرتی ماڵپەڕی سونی ئانلاین، مەولانا عەبدولحەمید، پێش‌نوێژی مەزهەبی سونەی شاری زاهیدان لە چاوپێکەوتنێکدا لەگەڵ خوێندکاران، بۆ جارێکی دیکە رەخنەی لە چەوساندنەوەی هاووڵاتیانی سونە مەزهەب گرت.
مەولانا عەبدولحەمید، لە کاتێکدا ئەو رەخنەیەی هێنایە ئاراوە کە هەر لەو دانیشتنەدا لەگەڵ خوێندکارانی سوننە، لەگەڵ گوشار و ئاستەنگی هێزە ئەمنیەتییەکانی رێژیمی ئیسلامیی ئێران بەرەوو بوونەوە.
پێش‌نوێژی مەزهەبی سوننە لە زاهیدان، لەو دانیشتنەدا گوتی: لە هیچ شوێنێکی دونیادا شتێکی بەو جۆرە نییە کە هاووڵاتییان بۆ گەڕان لە نێو وڵاتەکەی خۆیاندا، پێویستییان بە رەگەزنامە و مۆڵەت بێت.
ناوبراو لە درێژەدا دەڵێت: سەرەڕۆیی، چەوساندنەوە و دیکتاتۆری، هەتا سەر بەردەوام نییە و مەحکووم بە تەفروتوونا بوونە.
هیچ نظری موجود نیست:
ارسال یک نظر